TAFCOP: સાયબર ક્રાઈમના કેસ દિવસેને દિવસે વધી રહ્યા છે. સ્કેમર્સ અથવા ઠગ્સ પણ સિમ સ્વેપિંગ દ્વારા લોકોને નિશાન બનાવી રહ્યા છે. વાસ્તવમાં, સિમ સ્વેપિંગમાં શું થાય છે કે સ્કેમર્સ તમારી અંગત વિગતોની મદદથી તમારો નંબર તેમના મોબાઇલ પર સક્રિય કરે છે અને પછી તમારા નંબર પર પ્રાપ્ત બધી માહિતીનો ઉપયોગ કરીને, તેઓ તમારું બેંક એકાઉન્ટ ખાલી કરે છે. સ્કેમર્સ સોશિયલ મીડિયા પરથી તમારી અંગત માહિતી એકત્રિત કરે છે અને પછી તેને ટેલિકોમ ઓપરેટરને આપે છે અને તેમના ફોન પર તમારા સિમનો ઍક્સેસ મેળવે છે.
આજે આ લેખમાં અમે તમને જણાવવા જઈ રહ્યા છીએ કે તમે કેવી રીતે જાણી શકો છો કે તમારા નામે કેટલા સિમ કાર્ડ જારી કરવામાં આવ્યા છે.
માત્ર 30 સેકન્ડમાં જાણો તમામ માહિતી
ટેલિકોમ વિભાગે TAFCOP (ટેલિકોમ એનાલિટિક્સ ફોર ફ્રોડ મેનેજમેન્ટ એન્ડ કન્ઝ્યુમર પ્રોટેક્શન) નામનું પોર્ટલ તૈયાર કર્યું છે. tafcop.dgtelecom.gov.in પોર્ટલ પર દેશમાં એક્ટિવ મોબાઈલ નંબરનો ડેટાબેઝ અપલોડ થયેલો છે. પોર્ટલના માધ્યમથી સ્પૅમ અને ફ્રોડ કોલ્સ કન્ટ્રોલ પણ કરી શકાય છે. તમારા નામે કેટલાં સિમ કાર્ડ એક્ટિવ છે એ માત્ર 30 સેકન્ડમાં જાણી શકો છો.
તમારા નામ પર કેટલાં સીમ કાર્ડ ચાલુ છે? ચેક કરો આ રીતે
- તમારા નામ પર કેટલાં SIM Card ચાલુ છે ચેક કરવા માટે સૌપ્રથમ https://tafcop.dgtelecom.gov.in પોર્ટલ વેબસાઇટ ખોલો.
- ત્યાર બાદ ત્યાં આવેલ બોક્ષમાં મોબાઈલ નંબર અને OTP થી લોગ-ઈન કરો.
- હવે તમારા IDથી એક્ટિવ સિમ કાર્ડના તમામ મોબાઈલ નંબરનું તમને લિસ્ટ જોવા મળશે.
- હવે ચેક કરી કે આ લિસ્ટમાં કોઈ એવો નંબર છે, જે તમારી જાણ બહારનો છે તો એને તમે રિપોર્ટ કરી શકો છો.
- નંબર ને રિપોર્ટ કરવા માટે નંબર સિલેક્ટ કરી ‘This is not my number’ સિલેક્ટ કરો.
- ઉપરના બોક્સમાં આપેલા IDમાં લખેલું નામ સબમિટ કરો.
- હવે નીચે આપેલા Report બોક્સ પર ક્લિક કરો.
- ફરિયાદ કર્યા બાદ એક ટિકિટ ID રેફરન્સ નંબર પણ મળશે.
- આ રીતે તમે જાણી શકો છો કે તમારા નામ પર કેટલા સીમ છે.
બેદરકાળજી થી છેતરપિંડી બનશો ભોગ
ખરેખર, ઘણી વખત તમને ખબર નથી હોતી કે તમારા આઈડી (આધાર કાર્ડ) પર કેટલા સિમ ચાલી રહ્યા છે. તે જ સમયે, ઘણી વખત છેતરપિંડી કરનારાઓ કોઈપણના આઈડીમાંથી સિમ લઈ લે છે અને ગેરકાયદેસર પ્રવૃત્તિઓ કરે છે. જેના કારણે જે વ્યક્તિનું નામ સિમ પર છે તેના માટે સમસ્યા સર્જાય છે. આવી સ્થિતિમાં તમારા આઈડી પર કેટલા સિમ કાર્ડ એક્ટિવેટ છે તે જાણવું તમારા માટે જરૂરી છે.
આવા નંબર સામે પગલાં કેવી રીતે લેવા
જો તમને એવું લાગે છે કે આ લિસ્ટમાં કોઈ એવો નંબર છે, જે તમે યુઝ નથી કરી રહ્યા અને તમારા નામે ખોટી રીતે ઈસ્યુ થયો છે, તો તમે આ નંબર સામે પગલાં પણ લઈ શકો છો. આવા શંકાસ્પદ નંબરને બંધ કરવા માટે તમે આ જ વેબસાઈટ પરથી રિક્વેસ્ટ કરી શકો છો. આ માટે તમારે બસ આ અનઓથોરાઈઝ્ડ મોબાઈલ નંબર સામે રિપોર્ટ અને બ્લોકના ઓપ્શન પર ક્લિક કરવાનું રહેશે. જો તમને લિસ્ટમાં કોઈ એવો નંબર મળે છે, જે તમે નથી વાપરી રહ્યા તો, તમારે તાત્કાલિક આવા નંબર સામે પગલાં લેવા જોઈએ. તમારી અને દેશની સુરક્ષા માટે આ એક જરૂરી પગલું છે.
છેતરપિંડીમાં ફસાઈ ન જાવ તે માટે આ બાબતોનું ધ્યાન રાખો
કોઈપણ વેબસાઈટ પર તમારી અંગત વિગતો દાખલ કરતા પહેલા, વેબસાઈટ સુરક્ષિત છે કે નહીં તે તપાસો. તેમજ વેબસાઇટ ઓફિશિયલ છે કે નહી.
સોશિયલ મીડિયા પર તમારી અંગત વિગતો ક્યારેય શેર કરશો નહીં કારણ કે આ ડિજિટલ યુગમાં તેનો દુરુપયોગ થઈ રહ્યો છે.
જો શક્ય હોય તો, તમારો પ્રાથમિક મોબાઈલ નંબર આપો જે તમારા બેંક ખાતા અને Gmail સાથે લિંક થયેલ હોય તે ઓછામાં ઓછી જગ્યામાં આપો. આજકાલ, સ્કેમર્સ માત્ર મોબાઈલ નંબરથી પણ અનેક પ્રકારની માહિતી મેળવી શકે છે.
તમારા ડિજિટલ એકાઉન્ટના પાસવર્ડ મજબૂત રાખો અને કોઈપણ સંજોગોમાં તેને કોઈની સાથે શેર કરશો નહીં.
ઉપયોગી લીંક
| સીમ કાર્ડ ચેક કરવા માટે | અહી ક્લિક કરો |
| હોમપેજ | અહી ક્લિક કરો |